ამოგონება განეკუთვნება კვების მრეწველობას, კერძოდ, ყურძნის, ხილისა და სხვა შაქარშემცველი პროდუქტების ნარჩენებიდან დადუღების შემდეგ ნედლის სპირტის გამოსახდელ დანადგარებს და შეიძლება გამოყენებულ იქნეს როგორც მრეწველობაში, ისე მცირე ფერმერულ მეურნეობებში. გამოგონების ტექნიკური შედეგია ლითონტევადობის შემცირება, დანადგარის კომპაქტურობა. ნედლი სპირტის მისაღები დანადგარი შეიცავს ორთქლგენერატორს 1 და მასთან დაკავშირებულ გამოსახდელ ქვაბს 2 კლაკნილათი 15, თეფშებიან 2 გამმაგრებელ სვეტს 3, დეფლეგმატორსა 4 და მაცივარს 5, ამასთან გამოსახდელი ქვაბი 2 დაკავშირებულია ორთქლგენერატორთან 1, მასში კონცენტრულად განლაგებული ქვედა უბანზე ორთქლის შესასვლელი ხვრელის მქონე ცილინდრული სვეტით 9, რომლის ზედა უბანი შეერთებულია კლაკნილასთან 15, ხოლო კლაკნილას 15 გამომავალი უბანი მოთავსებულია ორთქლგენერატორში 1, ამასთან გამმაგრებელი სვეტი 3, დეფლეგმატორი 4 და მაცივარი 5 კონცენტრულადაა განლაგებული ცილინდრულ კორპუსში, ხოლო გამმაგრებელი სვეტი 3 გასახსნელი გადაბმის მეშვეობით მიმაგრებულია გამოსახდელი ქვაბის 2 ზედა ნაწილზე, მაცივრის 5 ზედა ზონა კი შემავსებელი მილაკის 33 საშუალებით შეერთებულია დეფლეგმატორის 4 ქვედა ზონასთან, რომელსაც აქვს დეფლეგმატორში ჩამოსაშვები მილის დიამეტრულად მოთავსებული ჩამოსასხმელი მილყელი 36, ამასთან, გამმაგრებელი სვეტის 3 თეფშების 60-70% განლაგებულია დეფლეგმატორში, ხოლო ცილინდრული სვეტის 9 ზედა უბანი აღჭურვილია გამოსაშვები მილით 10, რომელზეც განლაგებულია ვაკუუმური 13 და დამცავი 12 სარქველები.