- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

ხერხი ითვალისწინებს შედედების ტემპერატურაზე რძეში ბაქტერიული და მაჭიკის კვეთის შეტანას, შედედებას, შენადედის დაჭრას, ყველის მარცვლის მორევას, მეორად გაცხელებას, შრატის მოცილებას 70 - 80% რაოდენობით, ყველის მარცვლის დაწნეხას, დაწნეხილი ფენის ჩედერიზაციას შრატში, ფენის დაჭრას ფირფიტებად, ფირფიტების დნობას 70 - 80°C ტემპერატურის წყლით ან ახალი შრატით შევსებულ ქვაბში და მორევას, გამდნარი ყველის მასის ფორმირებას, დამარილებას მარილწყალში, ამასთან, დნობის დროს ფირფიტებისა და წყლის ან ახალი შრატის თანაფარდობა შეადგენს 1:1, გამდნარი ყველის მასის ტემპერატურა შეადგენს 55 - 65°C, ხოლო დამარილებას ახორციელებენ 8-10% კონცენტრაციის მარილწყალში 5 - 7 წუთის განმავლობაში შემდგომი შეშრობით 15 - 20 წუთის განმავლობაში, ამასთან, გამდნარი ყველის მასას აძლევენ 30X40 სმ გვერდებისა და 0,5 მმ სისქის სწორკუთხა ფორმას, ათავსებენ მასში შიგთავსს და ახვევენ რულეტის სახით, აგრეთვე, ფორმირებისას გამდნარი ყველის მასას აძლევენ რგოლის ფორმას, რომლის დიამეტრია 20 სმ, ხოლო სისქე 2,0-2,5 მმ, შემდეგ ჭრიან ორ თანაბარ ნაწილად, აძლევენ “რქის” ფორმას და ავსებენ შიგთავსით, ან ყველის მასას აძლევენ მრგვალი ფორმის ფენის სახეს, რომლის დიამეტრია 20 სმ, სისქე 1,0 - 1,5 მმ, ათავსებენ მასში შიგთავსს, და აძლევენ “ხინკლის” ფორმას. ამასთან, შიგთავსის მოსამზადებლად 1 კგ ხაჭოზე ან ნადუღზე იღებენ 30 - 40 გ ნედლ ქინძს, 30 - 40 გ ნედლ პიტნას, 20 - 25 გ ახალ ნიორს, 15 - 20 გ ნედლ წიწაკას და 10 გ სუფრის მარილს ან 1 კგ ხაჭოზე ან ნადუღზე იღებენ 45 - 50 გ ნედლ ტარხუნას და 10 გ სუფრის მარილს.