- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

ხერხი ითვალისწინებს შედედების ტემპერატურაზე რძეში ბაქტერიული და მაჭიკის კვეთის შეტანას, შედედებას, შენადედის დაჭრას, ყველის მარცვლის მორევას, მეორად გაცხელებას, შრატის მოცილებას 70 - 80% რაოდენობით, ყველის მარცვლის დაწნეხას, დაწნეხილი ფენის ჩედერიზაციას შრატში, ფენის დაჭრას ფირფიტებად, ფირფიტების დნობას 70 - 80°C ტემპერატურის წყლით ან ახალი შრატით შევსებულ ქვაბში და მორევას, გამდნარი ყველის მასის ფორმირებას, დამარილებას და შებოლვას, ამასთან, დნობის დროს ფირფიტებისა და წყლის ან ახალი შრატის თანაფარდობა შეადგენს 1:1, გამდნარი ყველის მასის ტემპერატურა შეადგენს 55 - 65°C, ხოლო დამარილება ხორციელდება 8 - 10% კონცენტრაციის მარილწყალში 5 - 7 წუთის განმავლობაში შემდგომი შეშრობით 15 - 20 წუთის განმავლობაში, ამასთან, ფორმირებისას გამდნარი ყველის მასას აძლევენ 30X40 სმ გვერდებისა და 0,5 მმ სისქის სწორკუთხა ფორმას, ათავსებენ მასში შიგთავსს, ახვევენ რულეტის სახით და შებოლავენ, ან აძლევენ მრგვალ ფორმას, რომლის დიამეტრია 20 სმ, ხოლო სისქე 1,0 - 1,5 მმ, ათავსებენ მასში შიგთავსს, აძლევენ “ხინკლის” ფორმას და შებოლავენ. შიგთავსის მოსამზადებლად 1 კგ ნიგოზზე იღებენ 3 - 5 გ ხმელ სუნელს, 2 - 3 გ დაფქულ ქინძის თესლს, 1 - 1,5 გ ზაფრანას და 10 - 15 გ სუფრის მარილს, აგრეთვე, შიგთავსის მოსამზადებლად იღებენ 150 - 165 გ ნედლ ქინძს, 45 - 50 გ ნედლ პიტნას, 15 - 20 გ ნიორს და 15 - 20 გ სუფრის მარილს, ან 1 კგ ჭყინტ ყველზე იღებენ 45 - 50 გ ნედლ პიტნას, 3 - 5 გ წითელ ცხარე წიწაკას, 15 - 20 გ ნიორს და 15 - 20 გ სუფრის მარილს.