- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

მანქანა შეიცავს მართკუთხა ფორმის ჰერმეტულ კორპუსს 1 ჩაის ფოთლის ჩამტვირთავი 3 და მომღნარი ფოთლის განმტვირთავი მოწყობილობებით, მუშა აგენტის მიმყვან 4-9 და ნამუშევარი ჰაერის გამომყვან 10-12 მოწყობილობებს. კორპუსი განლაგებულია ვიბროამძრავის 22 მქონე ჩარჩოზე 21, ამასთან, კორპუსის ძირში, მის ორ ურთიერთმოპირდაპირე კედელში მთელ სიგანეზე შესრულებულია ფანჯრები 13 და 14, რომლებიც განლაგებულია მუშა აგენტის მიმყვანი მოწყობილობის თავზე. მომღნარი ფოთლის განმტვირთავი მოწყობილობა წარმოადგენს წამყვან 15 და ამყოლ 16 ვარსკვლავებზე გადადებულ ჯაჭვს 17 მასზე დამაგრებული ფირფიტებით 18. ჯაჭვის მუშა შტო მოთავსებულია კორპუსის ფანჯრებში ისე, რომ ფირფიტები განლაგებულია კორპუსის ვერტიკალური კედლების გასწვრივ და გააჩნია ფანჯრებში გადაადგილების შესაძლებლობა.