- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე

ხერხი ითვალისწინებს მაღალტენიან საკვებნარჩენებთან, მაგალითად ქერის ნახარშთან დაბალტენიანი საკვებდანამატების, მაგალითად გადამუშავებული ხორბლის ან ხილის ნარჩენების შერევას, ნარევის ექსტრუდირებას მატრიცაში თუნდაც ერთი მრავალხვრელიანი თვალაკით და პროდუქტის შრობას ჰაერის გამჭოლი ნაკადით 10-12% ტენიანობამდე. შერევამდე დამატებით ხორციელდება მაღალტენიანი საკვებნარჩენების გაუწყლოება 60-75% ტენიანობამდე, მაგალითად ჰიდრავლიკური ან ხრახნიანი წნეხის მეშვეობით, ამასთან, მაღალტენიან საკვებნარჩენებთან დაბალტენიანი საკვებდანამატების შერევა წარმოებს ნარევის ტენიანობის 40-45%-მდე დაყვანით. ექსტრუდირების შედეგად მიღებულ პროდუქტს აქვს სპირალისებური ხვეული ფორმა, რაც მიიღწევა მატრიცის თვალაკის ხვრელების შესასვლელ ან გამოსასვლელ ზედაპირებზე 1-2 მმ ზომის ღარაკების ან წანაზარდების შესრულებით. ექსტრუდირების შედეგად პროდუქტს 3-5 მმ დიამეტრისას ღებულობენ, რომელსაც შრობამდე დისკრეტულ 5-20 სმ სიგრძეებად ჭრიან.