- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

კომპოზიცია შეიცავს ჩაის (Thea sinensis), ასკილის (Rosa canina L.) ნაყოფებს, ძირტკბილას (Glycyrrhiza glabra L.), ვაზის (Vitis) ფოთლებს, გინგკო ბილობას (Ginkgo biloba L.) ფოთლებს ან ეხინაცეას (Echinacea purpurea L.), ყვავილის მტვერს, ლიმონის (Citrus limon L.) კანს, კულმუხოს (Inula helenium L.), კოთხუჯს (Acorus calmus L.), აბზინდას (Artemisia absinthium L.), კოლერს, თაფლს, ხილ-კენკრის წვენს, წითელ ღვინოს და წყალ-სპირტის ნაზავს. ხერხი ითვალისწინებს მცენარეული კომპონენტების შერევას, ნარევის ექსტრაქციას ორ ეტაპად, პირველ ეტაპზე ექსტრაქციას ახორციელებენ წყალ-სპირტის ნაზავით, თანაფარდობით 1:1, რომელსაც აყოვნებენ 4-6 დღის განმავლობაში, ხოლო მეორე ეტაპზე - 85-95°C ტემპერატურის წყლით 20-30 წუთის განმავლობაში, პირველ და მეორე ეტაპზე მიღებული ექსტრაქტების გაერთიანებას, ექსტრაქციის ორივე ეტაპზე მცენარეული კომპონენტებისა და ექსტრაგენტის თანაფარდობა შეადგენს 1:2,5, მიღებული ექსტრაქტის კუპაჟირებას ხილ-კენკრის წვენთან, წითელ ღვინოსთან, კოლერთან, თაფლთან და წყალ-სპირტის ნაზავთან, კუპაჟის ფილტრაციას და ტარაში ჩამოსხმას.