- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

ხრახნი შეიცავს კორპუსს 1, მილისს 2, მასთან სახსრულად დაკავშირებულ ფრთებს,რომლებიც შედგება შიდა და გარე ნაწილისაგან 3 და 4, ამასთან, გარე ნაწილი შიდასთან დაკავშირებულია ტელესკოპურად და გააჩნია მის მიმართ გრძივად გადაადგილების შესაძლებლობა შიდა უძრავი ნაწილის ლონჟერონზე 5 გარე ნაწილის ლონჟერონის 6 გადაადგილების გზით. ხრახნი აღჭურვილია ღრუ ლილვით 7, რომელიც რედუქტორის 8 მეშვეობით დაკავშირებულია ძრავთან 9, და დიამეტრის ცვლის მოწყობილობით, რომელიც შედგება კორპუსში განლაგებული ჰიდროცილინდრისაგან 10, რომელიც დაკავშირებულია ჰიდროპნევმოაკუმულატორთან 11. ჰიდროცილინდრის ჭოკის 12 ერთ მხარეს დამაგრებულია დგუში 13, ხოლო მეორე მხარეს - სამაგრი ელემენტი 14 ბაგირისათვის. სამაგრ ელემენტს გააჩნია კორპუსთან დაკავშირებულ მიმმართველში 15 გადაადგილების შესაძლებლობა.კორპუსშივეა განლაგებული დიამეტრის ცვლის მოწყობილობის მაფიქსირებელი მექანიზმი 16. ბაგირი 17 სამაგრი ელემენტის, შკივების 18, ფრთის შეწეულ მდგომარეობაში მაფიქსირებელი მექანიზმის 19, საყრდენ-მაცენტრებელი ელემენტის 20 გავლით და სამაგრი ელემენტის 21 მეშვეობით დაკავშირებულია ფრთის გარე ნაწილთან.