- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

ლიგნოცელულოზის შემცველი ნატურალური მასალისა და თხევადი ნარჩენების, კერძოდ, მეცხოველეობის პროდუქციის წარმოების თხევადი ნარჩენების კომპოსტირების მეშვეობით წარმოებული ორგანული სასუქი, რომელიც შეიცავს მასის მიხედვით მშრალი ნივთიერების მინიმუმ 35%-ს, ორგანული ნივთიერებების მინიმუმ 25%-ს, ჰუმუსის მინიმუმ 20%-სა და აზოტის მინიმუმ 1,5%-ს. ორგანული სასუქის წარმოების პროცესი ითვალისწინებს მასორბირებელ მასალაზე თხევადი ნარჩენების, კერძოდ, მეცხოველეობის თხევადი ნარჩენების, კვების მრეწველობის თხევადი ნარჩენების ან წყლის გამწმენდი მოწყობილობების შლამის დატანას. თხევადი ნარჩენების მასა შეიცავს მეცხოველეობის თხევადი ნარჩენების მინიმუმ 20%-ს, რომლებიც ჰომოგენიზებულია აგენტით. აგენტი შედგება სახამებლის წარმოებულებზე ან ცელულოზის წარმოებულებზე დაფუძნებული მასალებისაგან, რომლებიც ზრდის ტიქსოტროპიასა და მითითებული თხევადი ნარჩენების ზედაპირულ დაჭიმულობას, და გამყოფებისაგან, რომლებიც აბრკოლებს კოშტების წარმოქმნასა და ზრდის სახამებლის ან ცელულოზის წარმოებულების ხსნადობას. ხორციელდება მასორბირებელი მასალისა და თხევადი ნარჩენების შერევა, ნარევის აერაცია და დაშლა აერობული ბაქტერიალური ზემოქმედების მეშვეობით, სულ ცოტა, ოთხი ციკლის განმავლობაში.