- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

მანქანა შეიცავს ურიკას 1, რომელზეც დამაგრებულია ჰიდროდინამიკური მოწყობილობა 3 ტელესკოპური ცილინდრებით 7 და 8, ოპერატორის ბაქანი 9 მართვის პულტით 10, ელექტროძრავები, გრძივი საყრდენი ძელი 11. ძელის ნახვრეტებში 12 გატარებულია კრონშტეინები, რომლებზეც დამაგრებულია დუღაბის მისასხმელი, გასასწორებელი და მოსაპირკეთებელი კვანძების ჩარჩოები 18 და 19 დამჭერი საყრდენებით, ჩარჩოს აქვს ხრახნული წყვილი კარეტის გადასაადგილებლად რევერსიული ძრავის მეშვეობით. კარეტაზე 27 დამაგრებულია მისხმული დუღაბის გასასწორებელი ვალცი 29 და დუღაბის დასატკეპნი ვალცები 30 და 31. დუღაბის გასასწორებელი ვალცი გამოწეულია დუღაბის დასატკეპნ ვალცთან შედარებით. ვალცების დასაყენებლად კარეტას აქვს სარეგულირებელი საშუალება - ხრახნული წყვილი 34. კარეტაში 35, გვერდის პარალელურად ჩამაგრებულია ხრახნული წყვილი 37, რომელზეც დამაგრებულია კარეტა 38 და მისი რევერსიული ძრავა 39. კარეტაზე 38 დამჭერ-სარეგულირებელი საშუალებით 40 დამაგრებულია მილაკი-საფრქვეველა 41, რომელიც დაკავშირებულია დუღაბის მიმწოდთან ხრახნული წყვილების მეშვეობით. მილაკს აქვს ჰორიზონტალური და ვერტიკალური გადაადგილების შესაძლებლობა, ხოლო მუშა ორგანოს ზედაპირის მოპირკეთება-მოჭიმვისათვის აქვს სახეხელა 53.