ი. გრიშაშვილის ბიბლიოთეკა-მუზეუმის კატალოგი.
კანზე ხაზგასმულია „შანტეკლერის“ და მიწერილია: გრიშაშვ. ჩემი სახალტურო ფსევდონიმი“.
რკალშემოვლებულია: „გამოცემა მეოთხე“ და მიწერილია: „მეორე და მესამე გამოცემაში „ბარაშკა“ შევაკეთე (აქ არ მაქვს)“.
გვ. 3. ლექსს „ბარაშკაჯან! არ შეგცივდეს!“ მიწერილი აქვს „ვუძღვნი ახნაზაროვს“.
იქვე მე-2 თავში გადახაზულია სტრიქონი: „დასთამაშებს ვირი მუტრუკს“, მიწერილია: „და მტკვარიც კი უკრავს დუდუკს“ და შემდეგ ჩამატებულია შემდეგი სტრიქონები:
„ცის პეპელა დაჰფარფატებს
ხან ისპანახს, ხან დანდურსა,
ვარსკვლავებიც ცის გუმბათზე
თამაშობენ ბაღდადურსა.
ჩვენც ერთმანეთს ვკოცნოთ, ვტყორცნოთ
დე თვალები ცრემლებს ღვრიდეს,
სულის კოლოფს დაგიწუწნავ,
ბაკაკაჯან, არ შეგცივდეს!“

გვ. 5. მე-7 თავში გადახაზულია „ტუფლით“, აწერია: „ქოშით“; შემდეგ სტრიქონში გადახაზულია „თავი“, წერია: „ტვინი“. მე-8 თავში გადახაზულია სტრიქონი: „ვით ანტიკას შეგინახავ“ და არშიაზე მიწერილია ლექსები.

[კანზე: გამოც. მე-4].