ი. გრიშაშვილის ბიბლიოთეკა-მუზეუმის კატალოგი.
ფორზაცზე: „ი. გრ. 1960 წ. 2 მაისი“ და კ. კვეიძის რეცენზია „პირველი ქართული „ქალის კალენდარი“, ამოჭრილი გაზეთიდან, მინაწერით: „სტალინელი“, (ქუთაისი), 1960 წ. 5 ივლისი“.
გვ. 55. ხაზგასმულია: „ქეთევან ლომთათიძე“, გასწვრივ კითხვის ნიშანი.
გვ. 205. სათაურთან: „კლარა ხოჭოლავა“, მიწერილია: „ექიმი“.
გვ. 207. ბარბარე ჯორჯაძის შესახებ წერილთან წერია: „ბარბარეს ვაჟი მიხეილი წერდა ლექსებს, პოემებს, დრამატიულ ნაწარმოებს“.
გვ. 255. ხაზგასმულია: „თამარ თვალიაშვილის პორტრეტი“, მიწერილია: „თუ ალისაა? – ქიქოძე?“
გვ. 337. ხაზგასმულია: „ქართული ეკრანის ეშხი და სილამაზე“, მიწერილია: „ნატა ვაჩნაძე“.
გვ. 399. სათაურთან: „მარიამ არჯევანიშვილი“, მიწერილია: „გარდაიცვალა“.
გვ. 513. სათაურს „ლიდა მგალობლიშვილი“ მიწერილი აქვს: „იმერელი ქალი“ და ნარკვევის გასწვრივ წერია: „ნინო ჩიხლაძეს წერილი“.
გვ. 539. ხაზგასმულია სათაური: „თამარ ვახვახიშვილი“ და მიწერილია: „კომპოზიტორი“.
გვ. 592. ხაზგასმულია სათაური: „ნოტიო ლოლუა“, მიწერილია: „ძუკუს დაი“.
გვ. 700. ხაზგასმულია სათაური: „ეკატერინე მესხი“ და მიწერილია: „კეკე“. ხაზგასმულია: „ცისკარის“ რედაქტორს“ და მიწერილია: „დროების“.
გვ. 709. ხაზგასმულია სათაური: „დარია ბერეჟიანი“ და მიწერილია: „დოქუშა ბერეჟიანი“.
გვ. 704. „ევგენია გელოვანს“ მიწერილი აქვს: „მინსკაია“.
გვ. 705. ხაზგასმულია სათაური: „ასე დაიბადა პოეტი“, მიწერილია: „ანა კალანდაძე“.
გვ. 707. პორტრეტზე წერია: „ხახუტაშვილი (აჭარელი)“.
გვ. 730. ლექსში „ქართველ ქალს“ ხაზგასმულია პირველი სტრიქონი: „დედაო, დაო, სატრფოვ ძვირფასო...“ და მიწერილია: „ჩემი ლექსის სტრიქონია „ელ. ჩერქეზიშვილს“, ი. გრ.“.
წიგნის ბოლო ფორზაცზე: „აკლია: ელისაბედ ორბელიანი, ელენე ჩოხელი, სოფიო ამირეჯიბი“.