– პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

აგრეგატი შეიცავს თანაღერძულად განლაგებული სექტორების 2 შემცველ სამ სვეტს 3, რომლებიც შეერთებულია ერთმანეთთან ხისტი მაერთებელი ძელების 4 მეშვეობით. სექტორების თითოეული სტატორი 5 შეიცავს ფირფიტებთან 8 და 9 შეერთებულ ოთხ განმბჯენს 7, ამასთან, სულ ცოტა, ერთ განმბჯენთან მიმაგრებულია შეკუმშული ჰაერის მიმწოდებელი მილსადენი 31, რომელიც აღჭურვილია საქშენებით 32. ერთი სვეტის 3a როტორების 6 ლილვები 23 დაკავშირებულია კომპრესორის ბლოკთან 33, რომელიც მიერთებულია შეკუმშული ჰაერის რეზერვუართან 34. შეკუმშული ჰაერის რეზერვუარი კი ელექტრომაგნიტური სარქველის 36, შეკუმშული ჰაერის სისტემისა 37 და მისი განშტოებების გავლით შეერთებულია სხვა სვეტების 3b და 3c სტატორების მილსადენებთან 31. ელექტრომაგნიტური სარქველი მართვის სისტემის 38 გავლით დაკავშირებულია როტორის სიჩქარის საზომთან.