ი. გრიშაშვილის ბიბლიოთეკა-მუზეუმის კატალოგი.
შმუცტიტულზე წარწერა: „ი. გრიშაშვილს, პოეტს, რომელსაც განსაკუთრებით ვაფასებ და მიყვარს. ვ. გორგაძე. 18/II. 28 წ.“
გვ. 86. ვ. გორგაძის ლექსში „მარელისი“ აღნიშნულია მე-10 სტროფი, მიწერილია: „იონა ვაკელი“.
გვ. 241. ი. ტატიშვილის ნარკვევში „უსათაურო“ მოხსენებული პირები დაზუსტებულია ი. გრ. მიერ, არშიაზე წერია: „ილო მოსაშვილი, შ. დადიანი, მიხეილ ჯავახიშვილი, ვასო გორგაძე. კ. ჭ-ძე და კ. კაპანელი“.
გვ. 242. მოხაზულია პირველი აბზაცი: „მაშ ისევ, ისევ ზღაპარს გეტყვით...“, მიწერილია: „ზოლას მიბაძვაა!“.
გვ. 368. ხაზგასმულია: „დღესაც ცხვრის ტყავს... იცვამენ“, მიწერილია: „ტყაპუჭი. [ჯუბა]“.
გვ. 370. ხაზგასმულია ადგილი შაბლონური ოდების მთხზველი პოეტების შესახებ, მიწერილია: „ყანწელები?“ ხაზგასმულია ადგილი „მეთვალყურე ცრუმამულიშვილების შესახებ“, მიწერილია „აკადემია?“ იქვე არშიაზე „აქეთ იქით მიაყეფეს და სკამებზე ჩამოსკუპდნენ“ [მარიჯანის ლექსიდან „ნელლი ცირკში“].
გვ. 376. ხაზგასმულია: „როცა გათენებისას მთვრალი კახეთის მატარებლის ბარბაცი შესწყდა, ჩვენ უკვე თბილისში ვიყავით“, მიწერილია: „ილ. ქურხულის სტილით“.
ამონაჭრები გაზეთებიდან: 1. დ. დ-ძის კრიტიკული წერილი „არიფიონის“ გამო 1928 წ. 11 მარტის რომელიღაც გაზეთიდან. 2. შ. კარსანიძის რეცენზია გაზ. „ახალ. კომუნისტის“ 1928 წ. 14 მარტის ნომრიდან. 3. პ. საყვარელიძის კრიტიკული წერილი „გუნდა – ლახოსტაკი“ მინაწერით: „კომუნისტი“. 28/III, 1928, № 70.“ ბ. ბუაჩიძის რეცენზია „Старые мехастарое вино“ მინაწერით: „Заря“, 1928 წ., № 88, 15 აპრილი“.
კანის მე-3 გვ. წერია: „რეცენზია მოთავსებულია კიდევ: 1. „მნათობი“, 1928 წ., № 3. 2. „ახალგ. ბოლშევიკი“, 1928, № 1–2. 3. „ქართ. მწერლობა“, 1928, № 4. 4. „კომ.“, 1928 წ., № 136, 14 ივნისი (მიხ. კახიანის სიტყვა)“.
წიგნში დევს ი. გრიშაშვილის განცხადების შავი: „ბ-ნო რედაქტორო! გთხოვთ, ნება მომცეთ განვაცხადო, რომ სხვადასხვა მიზეზის გამო, დღეიდან აღარ ვითვლები ეგრედ წოდებულ „აკადემიური მწერლობის ასოციაციაში“. ი. გრ. 12 მარტი. 1928 წ.“
მეორე ცალის თავფურცელზე ბეჭედი: „საქართველოს სახ. წიგნის პალატა“.