– პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

მოწყობილობა შეიცავს ნამზადის სახურებელ-დამწნეხავ და საცივარ-მასტაბილიზირებელ სისტემებს, ამასთან, თითოეული სისტემა შესრულებულია რეზერვუარის სახით. ყოველი რეზერვუარი შედგება ძირითადი კორპუსისა და მასთან გასართად მიერთებული სახურავისგან 14 და შესრულებულია მასში სამონტაჟო კასეტის 9 განთავსების შესაძლებლობით. თითოეული სამონტაჟო კასეტა წარმოადგენს ერთმანეთისგან ჰერმეტიზებულ შიგა ღრუს მქონე ორსექციან 11 და 12 ჩარჩოს, შესრულებულს იმგვარად, რომ, კასეტის რეზერვუარში განთავსების შემდგომ, ხსენებული ღრუ სექციებიდან ერთს გააჩნია შესაბამისი დენადი გარემოს მიმწოდებელ კვანძთან მილყელით 3 მიერთების შესაძლებლობა, ხოლო მეორეს კი მილყელით 4 ვაკუუმირების კვანძთან მიერთების შესაძლებლობა. ხსენებული კასეტა, ასევე, აღჭურვილია მილყელების ჯგუფით 21 და 22, რომელთაგან ნაწილი დაკავშირებულია ხსენებული ღრუ სექციებიდან ერთ-ერთთან და განკუთვნილია კასეტაში სართულებად ჩამონტაჟებული ნამზადიანი სამარჯვების ქვედა არეში და იმავდროულად რეზერვუარში შესაბამისი დენადი გარემოს მისაწოდებლად, ხოლო ნაწილი კი დაკავშირებულია ხსენებული ღრუ სექციებიდან მეორესთან და იმავდროულად მიერთებულია სამარჯვზე შესრულებულ სადრენაჟო მილთან, თითოეულ სამარჯვში ვაკუუმირების პროცესის წარმართვის უზრუნველსაყოფად. მოწყობილობა, ასევე, აღჭურვილია სამარჯვებით მასში ნამზადების განსათავსებლად.