ი. გრიშაშვილის ბიბლიოთეკა-მუზეუმის კატალოგი.
თავფურცელზე წარწერა: „იოსებ გრიშაშვილს, ჩემს საყვარელ პოეტს, ძველს თანამებრძოლსა და თანამდგამს ძმური სიყვარულით კონსტანტინე გ. ტფილისი. 1944. 2, IV“.
გვ. 9. მოხაზულია: „ზუგდიდის მუზეუმის“. არშიაზე ფანქრით: „როდის დაარსდა ეს მუზეუმი?“.
გვ. 11. ბოლო სტრიქონში ხაზგასმულია: „არმური?“. არშიაზე: „არმური სხვაა ალმური სხვაა?“
გვ. 12. ხაზგასმულია: „ქვისმთლელთა და კირითხუროთა“. არშიაზე: „ქვითხურო (კალატოზი)“.
გვ. 161. მოხაზულია ბოლო ათი სტრიქონი. არშიაზე ფანქრით: „გვ. 131. რუსულად“.
გვ. 162. მესამე სტრიქონში ხაზგასმულია: „ნატებით მოგებულ ტახტზე“. არშიაზე: „ზამშა“.
გვ. 308. ხაზგასმულია: „ბაირამ მუსლიმური დღესასწაული“. გასწვრივ: „სხვა არაფერი?“.
გვ. 312. მოხაზულია: „მიონი-გრძნეული, ეშმაკი“. არშიაზე: „ზღვის ქალი“.
გვ. 313. აღნიშნულია: „საფურცლე – მიდამოა მცხეთის ჩრდილოეთით“, მიწერილია: „ძველად სოფელს ერქვა, ეხლა აღგვილია. ი. გრ.“
ბოლო ფორზაცზე მინაწერები: „ძუძუ, 162; ლორი, 151; 154; ყვრიმალი, 162; მოვი, 162; რუსულად მოვი აბრეშუმია, 13“.
ყდის მესამე გვერდზე: „ბედოვლათი, 91“.
ფორზაცთან გ. გაჩეჩილაძის სტატია „დიდოსტატის მარჯვენა“ ამოჭრილი გაზეთიდან, არშიაზე მინაწერი: „1941 წ., № 4, 21 იანვ., „ლიტ. და ხელ.“ ი. გრ.“