ი. გრიშაშვილის ბიბლიოთეკა-მუზეუმის კატალოგი.
ყდაზე: „ი. გრ. 1946. 2/X“. ყდის მეორე გვერდზე: „სევადა – არაქათი 34. პილპილი თუ წიწაკა, 42“. ფორზაცზე: „ – მიმინო თუ კაპუეტი 36. ზადი, ზინთი, თელგამი“ – 43. (ვ. ბარნოვი). გვ. 34. ხაზგასმულია: „მიწისპირი ახალ ფიფქს მოესევადებინა. იქვე მინაწერი: „სევადა – შავი ფერისაა“. გვ. 43. ხაზგასმულია: „ზინთი... თელგამი“, მიწერილია: „ვ. ბარნოვი“. გვ. 46. ხაზგასმულია: „კატაბარდები“, მიწერილია: „კატაბარდა ბალახია და არა ბუჩქისებური რამ.“ გვ. 47. მე-8 აბზაცს ეხება მინაწერი: „ვის? პროვიზორის ცოლს თუ შარუხიას ცოლს?“ ამავე გვერდზე მოხაზულია სიტყვა: „რახიტიკი“. იქვე მინაწერი: „რატომაა ხაზგასმული?“ გვ. გვ. 33–47. ხაზგასმულია ცალკეული სიტყვები, წინადადებები, ზოგიერთ შემთხვევაში აღნიშნული კითხვის ნიშნით. შენიშვნები ენობრივი და სტილისტური ხასიათისაა. წიგნში ჩადებულია ჟურნალიდან ამოჭრილი გ. ჯიბლაძის კრიტიკული წერილი „ნოველები თუ ანაქრონიზმები?“, მინაწერით: „მნათ.“, 1946, № 89“. აგრეთვე ამონაჭრები გაზეთებიდან: 1. ბ. ჟღენტის წერილი „მავნე წიგნი“, მინაწერით: „ლიტ. და ხელ.“, 1946 წ., № 45, 24 ნოემბ.“ 2. გაზ. „კომუნისტის“ სარედაქციო წერილი: „ნაბიჯი უკან, ძველი პოზიციებისაკენ. (კ. გამსახურდიას „ნოველების“ გამოცემის გამო)“. არშიაზე: „კომ.“, 1946 წ., № 231, (19 ნოემბ.)“ ტექსტში ხაზგასმულია ადგილები. 3. ცნობა „რაზე მუშაობენ ქართველი მწერლები“. კონსტანტინე გამსახურდია, მინაწერით: „ლიტ. და ხელ.“, 1946, 31 აგვისტო“.