ლექსნი, თქმულნი ბესარიონ გაბაშვილისაგან (1749-1791).
- გამოც. ზ. ჭიჭინაძისაგან, 1885
- 66 გვ.
ი. გრიშაშვილის ბიბლიოთეკა-მუზეუმის კატალოგი. კანზე: „იხ. გარეკანის ბოლოს. იხ. გვ. 8. ი. გრ.“ გვ. 8. ალ. ჭავჭავაძის ლექსში „მაისის ვარდმან ფურჩქვნილმან ბესიკმან მწვანით მკობილმან“. – ხაზგასმულია: „ბესიკმან“ – და მიწერილია: „უნდა იყოს ბეზიკი. იხ. საბას ლექსიკონი – გვ. 31“. იქვე ბარამ ბარათაშვილის ლექსში „შენი ბესიკი მაბრწყენი ჩემს გულს მოსალხენია“ – ხაზგასმულია: „ბესიკი“, მიწერილია: „უნდა იყოს ბეზიკი – ნიშნავს ელვარეს (იხ. საბა გვ. 31). ბეზიკი (ბ. ბარათოვის ლექსი იხ. ჩუბ. ქრისტ. გვ. 116)“. ამის ქვემოთ დიმიტრი თუმანიშვილის ლექსში „ბესიკო. ეშხით მორთულო“, – ხაზგასმულია: – „ბესიკო“, მიწერილია: „ბეზიკო“. (დ. თუმანიშვილის ლექსი, იხ. ჩუბ. ქრისტ. გვ. 114)“. თავფურცელზე: „ამ წიგნს – „ბესიკი“ – აუგად იხსენიებს „თეატრი“, (1885 წ., № 4, გვ. 41). წერილი მგონი დ. კეზელისა, ან ნ. ურბნელისა. აქა სწერია, რომ ასპინძას ომი ნაკლულად დაბეჭდაო და ზოგიერთი ლექსი ბესიკში აურევიაო. – ი. გრ.“ გვ. გვ.: 32, 36, 38, 39, 40 მოთავსებულ ლექსებს მიწერილი აქვს: „ეს არ არის ბესიკის“. კანის მესამე გვერდზე: „აქ ბევრი ლექსი ბესიკისა არ არის! ი. გრ.“ მეორე ცალის კანზე: „ყველგან არის. ი. გრ.“