გამოგონება განეკუთვნება ღვინის მრეწველობას, კერძოდ, შემაგრებული ღვინომასალის წარმოების ხერხს. გამოგონების ტექნიკური შედეგია მზა პროდუქტის ხარისხის ამაღლება. ხერხი ითავლისწინებს ყურძნის ჭყლეტას კლერტის მოშორებით, ჭაჭისაგან თვითდინებით გამოსული ტკბილის გამოცალკევებას, ნაწნეხი ფრაქციების შეტანას, ტკბილის ლექიდან მოხსნას, ტკბილის დასპირტვას, მის კუპაჟირებას ყურძნიდან გამოწურული ჭაჭის ღვინო-სპირტის ექსტრაქტთან, ღვინომასალის დაძველებას და ფილტრაციას. ჭაჭა ექვემდებარება დაწრეტას, ამასთან ნაწრეტ ჭაჭაში შეიტანება ნაწნეხი ფრაქციები და ნარევის დუღილი მიმდინარეობს მშრალად კუპაჟირების დროს დამატებით შეიტანება დასპიტული ტკბილი ტკბილთან 1,2-3,0 შეფარდებით, ყურძნის ჭაჭის ღვინოსპირტიანი ექსტრაქტი გამოიყენება 7-9% რაოდენობით ტკბილთან შეფარდებით, ხოლო დაძველების წინ კუპაჟს ემატება მაგარი სასმელების დაძველების პროცესის დამაჩქარებელი ექსტრაქტი 5-7% რაოდენობით, რომელიც მიიღება ექსტრაგენტის ყურძნის წიპწაზე დაყენებითა და ერთწლიანი დაძველებით.