– პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

გამოგონება განეკუთვნება თბოენერგეტიკის დარგს და შეიძლება გამოყენებულ იქნეს სახალხო მეურნეობაში თბური ენერგიის ელექტრულად გარდასაქმნელად.
გამოგონების გამოყენების ტექნიკური შედეგია დანადგარის მქკ-ის და სიმძლავრის ამაღლება, რაც მიიღწევა იმით, რომ ცნობილ ელექტროსადგურში, რომელიც შედგება ორთქლის ქვაბისაგან ორთქლსაგროვით, ტურბინისაგან, კონდენსატორისაგან და წყლის და კონდენსატის ტურბოებისაგან, მუშა სხეულად გამოყენებულია ვერცხლის წყალი, ტურბინად _ რეაქტიული ტურბინა, ხოლო კონდენსატორად _ მაცივებელპერანგიანი ჰერმეტული კამერა, რომელშიც დაყენებულია რეაქტიული ტურბინა, შემდგარი ტურბინის მუშა ბორბლის ღრუ ცილინდრისაგან და მასზე ღერძის პერპენდიკულარულად, მრავალმწკრივად დაყენებული ზებგერითი რეაქტიული საქშენებისაგან. ამასთან, მუშა ბორბლის ღრუ ცილინდრი, ღრუ ღერძით ორთქლის ქვაბში დაყენებულ ორთქლსაგროვთანაა შეერთებული, ლილვით კი კინემატიკურადაა დაკავშირებული ვერცხლის წყლის კონდენსატის და წყლის ტუმბოებთან, რომელთაგან პირველის მეშვეობით ხდება ვერცხლის წყლის დაბრუნება ორთქლის ქვაბში, ხოლო მეორის მეშვეობით ხდება მაცივებელი წყლის რეცირკულაცია ჰერმეტული კამერის მაცივებელ პერანგში.