ი. გრიშაშვილის ბიბლიოთეკა-მუზეუმის კატალოგი.
თავფურცელზე წარწერა: „ჩემს ენა-მერცხალა სოსო გრიშაშვილს. ავტორისაგან.“
კანზე: „ი. გრ. 1935. 6/III.“
კანის მე-3 გვერდზე მიწერილია: „სარჩევი რატომ არა აქვს?“
გვ. 23. ლექსში „თამაშობა“ ხაზგასმულია რითმა: „შაურადა-ფშაურადა“, მიწერილია: „კარგია“.
გვ. 39. ლექსში „ნაძვები“ სტრიქონში „მის ქროლა სიყვარულია“ გადახაზულია სიტყვა „მის“, მიწერილია: „და“.
გვ. 43. ლექსში „მილოცვა დიდედასთან“ ხაზგასმულია: „მის ოინები“, მიწერილია: „მისი“. ხაზგასმულია: „დიდედო, ჩემო დიდედო“, მიწერილია: „კარგია – გრძნობაა“.
გვ. 48. ხაზგასმულია: „ბიჭო, მას“, მიწერილია: „ბიჭიკო“. სიტყვა „მას“ გასწვრივ წერია: „არ ვარგა – მეტია“. აქვე ლექსში „გაზაფხულდა“ სტრიქონთან: „შენი გულისა სულისა“ მიწერილია: „კარგია“.
გვ. 52. ლექსში „ჭიაკოკონა“ ხაზგასმულია: „ჭიაკოკონობის“, „შემოღამებულა“, მიწერილია: „განიერი სიტყვებია“.
გვ. 53. ხაზგასმულია ლექსის სათაური: „ენძელა და ია“, მიწერილია: „კარგია“.