- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

გამოგონება განეკუთვნება სარკინიგზო გზების მშენებლობას და შეიძლება გამოყენებული იქნეს შპალებზე რელსების დასამაგრებლად. გამოგონების ტექნიკური შედეგია რელსების სიმაგრის მონტაჟის გამარტივება. რელსების სამაგრი შეიცავს ქვესადებს და რელსის ორივე მხარეზე განლაგებულ დრეკად დამჭიმ მომჭერს, მომჭერის შუა ნაწილი აღუნულია ზემოთ ორი გვერდითი ნაწილის მიმართ და მოთავსებულია ღრეჩოთი რელსის ძირის ზემოდან, ხოლო წინასწარი მონტაჟის მდგომარეობაში შიგნითა მხრით ებჯინება სჭვალის ღეროს მომჭერის გარეთა მხრების უბნები თავისუფალი ბოლოებით ერთმანეთისაკენ მიმართული. ქვესადები შესრულებულია სამი ნაწილისაგან: _ ცენტრალურისაგან, რომელიც მოთავსებულია უშუალოდ რელსის ძირის ქვეშ და ორი მომიჯნავესაგან, რომელთაგან თითოეული წარმოადგენს _ კუთხოვანისებურად გაღუნულ ფირიტას, რომლის ვერტიკალური თარო შესრულებულია რელსის ძირის მართებულად განლაგებული ორი მიმმართველი ღარით და რელსის ძირის პარალელური ჩაღრმავებებით, ხოლო ჰორიზონტალური _ ბოლოზე ჩაზნექილი უბნით და ღრმულით მომჭერის მოსათავსებლად. წინასწარი მონტაჟის მდგომარეობაში მომჭერის თავისუფალი ბოლოები მოთავსებულია ამონაღებებში ან დაყენებულია საბჯენთან კონტაქტში, ხოლო დამონტაჟებულ მდგომარეობაში ვერტიკალური თარო უზრუნველყოფს მომჭერის ბოლოების მიბჯენას რელსის ძირთან, ხოლო მომჭერის შიგნითა მხრები შეყვანილია ღარებში