- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

გამოგონება განეკუთვნება ჭაბურღილების საბურღი მოწყობილობების ამორტიზატორებს, კერძოდ, კი სატეხზედა ამორტიზატორებს და გამოიყენება დარტყმითი დატვირთვით გამოწვეული ღერძული რხევების დასახშობად საბურღი მოწყობილობის სატეხის მუშაობისას.
გამოგონების ტექნიკური შედეგია ამორტიზატორის საიმედოობის ამაღლება, მისი მომსახურების ვადის გაზრდა და აწყობის გაადვილება.
სატეხზედა ამორტიზატორი შეიცავს გადამყვანს I შიგა ექვსწახნაგა ნახვრეტით, ღრუტანიან ლილვს 2 ექვსწახნაგა კვეთით და კორპუსს 3. კორპუსს 3 და ღრუტანიან ლილვს 2 შორის განლაგებულია ზამბარები 4,5,6 და 7. ღრუტანიანი ლილვის 2 ზედა ნაწილზე დაყენებულია საჩერი რგოლები 8. ქვედა ზამბარის 7 ქვეშ განლაგებულია საყრდენი ქანჩი 9. ზამბარებს 4,5,6 და 7 შორის მდებარეობს საყელურები 12. ღრუტანიან ლილვზე 2 შესრულებულია ზამბარების საჭერი ელემენტები 13, ხოლო კორპუსში 3 _ ზამბარების საბჯენი ელემენტები 14. ზამბარები განსხვავებული სიგრძისაა. ზედა პირველი ზამბარის 4 ქვეშ მდებარე ზამბარები 5,6,7 ამორტიზატორის სიმაღლეზეა დაყენებული ღრეჩოების 15,16 და 17 წარმოქმნის შესაძლებლობით, ამ ზამბარებსა და საბჯენ ელემენტებს 14 შორის. ზამბარები 4,5,6 და 7, სიგრძეები და ღრეჩოების 15,16 და 17 სიმაღლეები შერჩეულია ისე, რომ ყოველ ორ ახლომდებარე ზამბარას შორის ქვედა ზამბარა ზედაზე მოკლეა, ხოლო ყოველ ორ ახლომდებარე ღრეჩოს შორის ქვედა ღრეჩოს სიმაღლე ზედა ღრეჩოს სიმაღლეზე მეტია.