მილოვან მემბრანულ ელემენტებიანი ფილტრაციის მოწყობილობა ირაკლი ბიბილეიშვილი, გიორგი ბიბილეიშვილი.

- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

1. ტექნიკური შედეგი მოწყობილობის წარმადობის გაზრდა, საექსპლუატაციო დანახარჯების შემცირება. 2. არსი მოწყობილობა შეიცავს ცილინდრულ კორპუსს 1 ხუფებით, საწყისი სითხის შემყვანი 30, ფილტრატისა და კონცენტრატის გამომყვანი 31 და 32 საშუალებებით, ერთზე მეტ მილოვან მემბრანულ ელემენტს, რომელიც წარმოადგენს ფილტრატის გამომყვან პერფორირებულ მილაკს 4, გარე ზედაპირზე ბოლებით ჰერმეტულად მიერთებულ დრენაჟული შუასადებისა 5 და მემბრანების 6 ანაწყობით.მოწყობილობას გააჩნია მემბრანების წმენდის მექანიკური სამარჯვი 20, რომელიც შედგება მემბრანული ელემენტების რაოდენობის ტოლი და მათ დიამეტრზე მეტი სიდიდის ნახვრეტებიანი ორი მზიდი დისკოსაგან 21 და 22, რომელთა შორის ჩამაგრებულია მემბრანული ელემენტების რაოდენობის ტოლი და მათ დიამეტრზე ნაკლები სიდიდის ნახვრეტებიანი ელასტიკური ღრუბელის დისკო 24.მზიდი დისკოების ცენტრალური ხრახნული ნახვრეტი 29 მოდებაშია სავალ ხრახნთან 13, ხოლო სამივე დისკოს პერიფერიებზე აქვს ნახევრად წრიული ამონაჭრები 26 და 28, რომელთაგან ერთში მაინც ჩასმულია კორპუსის შიგა ზედაპირზე განლაგებული შესაბამისი მიმმართველი 27. 3. გამოყენების სფერო სითხეების მიკროფილტრაციით, ულტრაფილტრაციით, ნანოფილტრაციითა და უკუოსმოსის მეთოდით დამუშავების მოწყობილობები.