ელექტრომაგნიტური ვიბრატორი გელა ჯავახიშვილი.

- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

ვიბრატორი შეიცავს სტატორს I და ღუზას II. სტატორზე შესრულებულია პოლუსები, რომლებიც დაყოფილია ორ ჯგუფად. სტატორის ძირითად პოლუსებზე I-1, I-2, I-3 და I-4 შესაბამისად მოთავსებულია 1-1, 1-2, 1-3 და 1-4 იდენტური გრაგნილები, ამასთან, 1-1, 1-3 და 1-2, 1-4 გრაგნილი ერთმანეთთან მიმდევრობითაა ჩართული. სტატორის მეორე ჯგუფის პოლუსები შეიცავს ორ დამატებით პოლუსს I-5 და I-6. სტატორის 1-1 და 1-2 გრაგნილთან მიმდევრობით ჩართულია გამმართველი ელემენტები, რომლებიც შესრულებულია ნახევრადგამტარული დიოდების 3-1 და 3-2 სახით. სტატორის გრაგნილების 1-3, 1-4 და ნახევრადგამტარული დიოდების 3-1, 3-2 შეერთების წერტილები მიერთებულია კვების წყაროს მომჭერებთან 7-1, 7-2. ღუზა დასმულია ლილვზე 4, რომელზეც სოგმანით 2 ხისტად ჩამაგრებულია ბერკეტის 5 ერთი მხარე, ხოლო ბერკეტის მეორე მხარე ორმხრივადაა დაზამბარებული ზამბარებით 6-1 და 6-2. სტატორი მოთავსებულია კორპუსში III, რომელიც ხისტადაა დამაგრებული დგარზე IV. სტატორი და ღუზა სიმეტრიულია, მათ ცენტრზე გავლებული ვერტიკალური Y და ჰორიზონტალური X ღერძის მიმართ. სტატორის დამატებითი პოლუსების ფორმა ისეთნაირადაა შერჩეული, რომ ღუზის კუთხით რხევითი მოძრაობისას, ღუზის ჰორიზონტალურ და სტატორის დამატებით პოლუსებს შორის მუშა ფართის მყისა მნიშვნელობა და საჰაერო ღრეჩოს სიდიდე უცვლელია.