დიდი დიამეტრის მილებში წყლის ხარჯის დისტანციური გაზომვისა და აღრიცხვის მოწყობილობა გიორგი ხაინდრავა, თეიმურაზ ხაინდრავა, მიხეილ ხაინდრავა.

– პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

მოწყობილობა განეკუთვნება დიდი დიამეტრის /300 მმ და მეტი/მილებში წყლის ხარჯის გაზომვისა და აღრიცხვის ტექნიკურ საშუალებებს და შეიძლება გამოყენებულ იქნეს ქალაქების წყალმომარაგების სისტემის ობიექტებზე სასმელი წყლის ხარჯების გასაზომად დიდი დიამეტრის მილებსა და წყალსადენებში.
გამოგონების ტექნიკური შედეგია მოწყობილობის სიზუსტის, მუშაობის საიმედოობისა და ფუნქციური შესაძლებლობების გაზრდა.
დიდი დიამეტრის მქონე მილში ჰორიზონტალური რადიუსის დონეზე მილის შიდა რადიუსის 0,242 _ ის მანძილზე შეიყვანება და მონტაჟდება მცირე დიამეტრის /მაგალითად: დშ =50 მმ/მქონე მოხრილი მილის ჰიდრავლიკური შუნტი, მასში ჩადგმული ბზრიალასა და სარკის მქონე მექანიკური მრიცხველით, ბზრიალას მიერ გამომსხივარი დიოდის ინფრაწითელი სხივის ნაკადის იმპულსური მოდულაციის შედეგად მიღებული დენური იმპულსების სიხშირე წარმოადგენს გასაზომ მილში გამდინარე წყლის საშუალო სიჩქარეს, ხოლო მოცემული მილის კვეთის შესაბამისი წამური ხარჯების მნიშვნელობები საშუალო სიჩქარის სხვადასხვა მნიშვნელობებისათვის წინასწარ პროგრამირდება მუდმივი მეხსიერების მიკროსქემაში. მოწყობილობა ავტომატურად ახდენს ამ მიკროსქემიდან მოცემული საშუალო სიჩქარის შესაბამისი წამური ხარჯის კოდური მნიშვნელობების გამოკითხვას და წარმოადგენს ციფრული ინდიკაციის ბლოკზე. მოწყობილობა ასევე ახდენს წამური ხარჯების ციფრულ ინტეგრირებას დროის ნებისმიერ ინტერვალში, ხოლო ანალოგური რეგისტრაციის მოწყობილობა ახდენს წამური ხარჯების მნიშვნელობების გრაფიკულ რეგისტრაციას დროში.