სახეთა ამოცნობის ხერხი და ამ ხერხის სარეალიზაციო ოპტოელექტრონული პროცესორი ირინა კამკამიძე, გოდერძი ლეჟავა.

- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

გამოგონება განეკუთვნება გამოთვლით ტექნიკას, კერძოდ ინფორმაციის ოპტოელექტრონულ დამუშავებას და უპირატესად გამოიყენება ინფორმაციის დიდი მასივების დროის რეალურ მასშტაბში დამუშავებასთან დაკავშირებულ ხელოვნური ინტელექტის პრაქტიკულ ამოცანებში.
გამოგონების ტექნიკური შედეგია სახეთა ამოცნობის პრაქტიკული გამოყენების სფეროს გაფართოება, სწრაფქმედებისა და გამოსაცნობი სახეების ნიშანთვისებათა რაოდენობის გაზრდა, აპრიორული ინფორმაციის სწრაფი ცვლის შესაძლებლობა, მაღალი წარმადობისა და საიმედოობის უზრუნველყოფა.
სახეთა ამოცნობის ხერხი ითვალისწინებს აპრიორულ ინფორმაციაში შემავალ ობიექტთა ნიშანთვისებების ფიქსირებას პოლარიზაციულ შუქმგრძნობიარე მასალაზე ამ მასალის გარჩევისუნარიანობით განპირობებული მინიმალური სიდიდის ზონებში. ზონები განლაგებულია მატრიცის სახით ისე, რომ ნიშან_თვისებებს შეესაბამება სვეტები, ხოლო კლასებს _ სტრიქონები. ამოკითხვა ხდება სტრიქონების პერპენდიკულარული შტრიხების სახით ფოკუსირებული სხივებით. სტრიქონებში მიღებული გამოკითხვის სიგნალები აიჯამება და ამ ჯამების საშუალებით ხორციელდება კლასიფიკაცია. ოპტოელექტრონული პროცესორი შეიცავს პოლარიზაციულ შუქმგრძნობიარე ტრანსპარანტს, რომელიც ოპტიკურად დაკავშირებულია ჰოლოგრაფიული მეხსიერებისა და პროცესორში ინფორმაციის შეყვანის ბლოკთან. ტრანსპარანტსა და ფოტოდეტექტორების ბლოკს შორის მოთავსებული ამჯამავი მოწყობილობა შესრულებულია ცილინდრული ლინზის სახით.