დამქუცმაცებელი ვლადიმერ მირუაშვილი.

- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

გამოგონება განეკუთვნება მოწყობილობას ბნევადი, გრანულირებული და სამთამადნო მასალების დაქუცმაცებისათვის და შეიძლება გამოყენებულ იქნეს სოფლის მეურნეობაში, კვების, ქიმიურსა და სამთამადნო მრეწველობაში.
გამოგონების ტექნიკური შედეგია დაქუცმაცებისათვის საჭირო ენერგიის დანახარჯის შემცირება, კონსტრუქციის გამარტივება, ლითონტევადობის შემცირება, მსხვრევის ეფექტურობისა და მუშაობის საიმედოობის გაზრდა.
დამქუცმაცებელი შეიცავს კონუსური ფორმის კორპუსს 1, მიმღები ძაბრით და მასში მოთავსებულ მოძრავ კონუსს 12. ამასთან, მოძრავ კონუსზე წამოცმულია ორი ცილინდრული ზამბარა 2 და 3 მაინც, რომლებიც შემხვედრი ფუძეებით დაყრდნობილია კონუსურ კორპუსში შექმნილ საყრდენებზე 5, ხოლო ზამბარების განაპირა ფუძეების საყრდენები 6 და 7 განლაგებულია მოძრავი კონუსის ცენტრში გამავალ დგარზე 9, რომელთაგან ქვედა საყრდენი 7 დგარის 9 ქვედა ბოლოზეა მიმაგრებული, ხოლო ზედას 6, დგარის მიმართ გააჩნია ვერტიკალური გადაადგილებისა და ფიქსირების შესაძლებლობა, ამასთან, დგარის ზედა ბოლო დაკავშირებულია ვერტიკალური რხევის მექანიზმთან, რომელიც წარმოადგენს მიმღებ ძაბრზე სახსრულად მიმაგრებულ ბერკეტს 13 და მასზე მოქმედ მუშტს 15, ხოლო ზამბარის ხვიები ქვემოთ თანდათანობით შემცირებული ბიჯისაა, კვეთი კი მართკუთხოვანია.