- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

გამოგონება განეკუთვნება ხელის ბრტყელ ტყავის ჩემოდნებს საქმიანი ქაღალდებისათვის, რომლებსაც აქვს ორი განყოფილება - პირადი და სამსახურებრივი სარგებლობისათვის. გამოგონების ტექნიკური შედეგია საექსპლუატაციო თვისებების ამაღლება. ხელის ჩემოდანი შეიცავს ძირითად და სახურავ ნიჟარებს, ერთმანეთთან დაკავშირებულს სახსრული შეერთებით, ჩემოდნის ზედა ნაწილში განთავსებულ სახელურს, გამყოფ პანელს, სახსრულად დაკავშირებულს სახურავ ნიჟარასთან. გარდა ამისა, ჩემოდანს გააჩნია საშუალებები, რომლითაც გამყოფი პანელი დაფიქსირებულია სახურავ ან ძირითად ნიჟარასთან მიბჯენილ პოზიციაში, იმისდა მიხედვით, თუ რა მდგომარეობაში იხსნება ჩემოდანი. ამასთან, ჩემოდანს გააჩნია დრეკადი გოფრირებული ელემენტები, რომლებიც მოთავსებულია გამყოფ პანელსა და სახურავი ნიჟარის შიდა კედელს შორის _ მათ ერთმანეთთან დასაკავშირებლად, გამყოფი პანელის ძირითად ნიჟარაზე დამაგრების შემთხვევაში სახურავი ნიჟარის გახსნის სიდიდე შეზღუდულია ნახსენები გოფრირებული ელემენტების მიერ. ჩემოდანი შეიცავს, აგრეთვე, მექანიზმებს გამყოფი პანელის დასაკავებლად ძირითად ან სახურავ ნიჟარებთან მიბჯენილ პოზიციაში. ამასთან, ეს ორივე პოზიცია მართვადია ნიჟარების ერთმანეთში ჩაკეტილ მდგომარეობაში ყოფნისას.