ბუნების კარი : საყმაწვილო წიგნი. დაბალ კლასებში სახმარებელი / შედგენილი ი. გოგებაშვილისაგან. საქართველოს კარტით.

ი. გრიშაშვილის ბიბლიოთეკა-მუზეუმის კატალოგი.
ხელნაკეთ კანზე: „პირველი გამოცემაა! ბუნების კარი. ი. გრ. 1868. I. გოგებაშვილი და სასაუბრო ენა, გვ. VII ი. გრ. 2. საყმაწვილო ლექსები მაშინაც ძნელი საშოვნელი ყოფილა, გვ. VIII. 3. პირველი ლექსი გოგებაშვილისაა, რომელიც რ. ერისთავმა გამოიყენა ამნაირი შინაარსის ლექსისთვის („ჯერ შრომა – მერე ხტომა“). იხ. „ნიშადურიც“.
თავფურცელზე: „პირველი გამოცემაა. ი. გრ“. იქვე ხაზგასმულია „1868“. წელი და მიწერილია: „ხოლო დედა ენა“ 1876 წელს“.
გვ. VII. აბზაცი მოხაზულია და მიწერილია: „ახალი ენა“.
გვ. VIII. ხაზგასმულია: „ჩვენ სამწუხაროთ ამ ხანათ საყმაწვილო ლექსები მეტი ვერ ვიპოვნეთ“, არშიაზე მიწერილია: „საბავშვო ლექსები“.
გვ. 1-2. მოხაზულია ლექსის სათაური: „ჯერ სწავლა, მერე ქეიფი“ და მიწერილია: „ორთაჭალის ქეიფი?“ მიბაძვა რ. ერისთავისა. (იხ. მისი „თხზ“., გვ. 201). ორივე რუსულის მიბაძვაა“. ამავე ლექსის ბოლო სტროფი მოხაზულია და მიწერილია: „ეს ლექსი ალბათ თვითონ გოგებაშვილისაა. ასეთივე აქვს რ. ერისთავს“.
გვ. 278. ლექსს „ჭრიჭინა და ჭიანჭველა“-ს ბოლოს მიწერილია: „ა. ჭ“.
გვ. 279. ლექსის „სოფლელნი და მდინარე“ ბოლოს მიწერილია: „გრ. ორბ“.
გვ. 280. ლექსის „ჩიტი“-ს ბოლოს: „ილია“.
კგვ. 285. ლექსის „სიმღერა მკის დროს“ ბოლოს: „აკაკი. ვარიანტია“.
გვ. 288. ლექსის „მძინარე ყმაწვილს“ ბოლოს: „ილია“.
კანის მე-3 გვ.: „შემდეგ გამოცემებში შევიდა:
...მოდი ჩემო კალამო,
ტკბილად მოგესალამო
და შენ უნდა შეიქნე
წყლული გულის მალამო“.
ეს ლექსი აბ. მაჩაბელს ეკუთვნოდა? ამას მიბაძა აკაკიმ „საიდუმლო ბარათო“ და სხვა“.
მეორე ცალის გვ. 1. ბეჭედი: „Тифлисское женское учебное заведение св. Нины. 1846“.