მემბრანული საფილტრაციო მოწყობილობა ვასილ ბიბილეიშვილი, გიორგი ბიბილეიშვილი.

- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

გამოგონება განეკუთვნება ხსნარების მიკროფილტრაციის, ულტრაფილტრაციის და უკუოსმოსის მეთოდებით გაყოფის მოწყობილოებებს და შეიძლება გამოყენებულ იქნეს კვების, ქიმიურ, მიკრობიოლოგიურ და ფარმაცევტულ მრეწველობებში, აგრეთვე მედიცინაში, ბიოტექნოლოგიაში, ელექტრონიკაში, ენერგეტიკისა და სოფლის მეურნეობაში. გამოგონების ტექნიკური შედეგია მოწყობილობის წარმადობის გაზრდა და მემბრანების სელექტიურობის მაქსიმალურად შენარჩუნება, კონცენტრაციული პოლარიზაციის დონის შემცირების საშუალებით, პროცესის განხორციელების დროს. მოწყობილობა შედგება ცენტრალური ჭანჭიკისაგან 1 და ორი მილტუჩისაგან 23, რომელთა შორის ერთმანეთის შენაცვლებით განლაგებულია დრენაჟული სხეულები 8 და გამყოფი ფირფიტები 6, ამასთან, დრენაჟულ სხეულებს 8 გააჩნიათ ორი და მეტი მთავარი ნახვრეტი 10, 11 და ცენტრალური ნახვრეტი 12 შესაბამისად ძირითადი და დამატებითი ნაკადების შესაყვანად და გამოსაყვანად, რადიალური არხების მქონე შემამჭიდროებელი საკეტელებით 19, 20 მათ ირგვლივ, გამყოფი ფირფიტის 6 ზედა ზედაპირზე მთავარი და ცენტრალური ნახვრეტების 16, 17 ირგვლივ არსებობენ რადიალური არხების მქონე შემამჭიდროებელი საკეტელები 19, 20 ორ მეზობელ დაწნევის საკანში სითხის შესაყვანი 21 და გამოსაყვანი 22 არხებით, ქვედა მილტუჩზე 3 და მემბრანული ელემენტების გარკვეული რაოდენობების შემდეგ განლაგებულნი არიან ღრუ შუასადებები 7, რომლებიც თავისი ქვედა ნაწილით მჭიდროდ წამოეცმებიან ცენტრალურ ჭანჭიკს 1, ხოლო ზედა ნაწილში გააჩნიათ წრიული არხი დამატებითი ნაკადის მოწყობილობაში შესაყვანად, ამასთან ღრუ შუასადებს გააჩნია ძირითადი ნაკადის შემყვანი სარეგულირებელი ნახვრეტი 25 და დამატებითი ნაკადის შემყვანი სარეგულირებელი არხები 29, ცენტრალური ჭანჭიკი 1 შეიძლება იყოს ღრუ გამაციებელი სითხის შემყვანი და გამომყვანი ნიპელებით.