- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

წარმოდგენილია ნახშირის დამუშავების ხერხი გოგირდისა და სხვა გამაჭუჭყიანებლების მოსაცილებლად, რომელიც ითვალისწინებს სარეაქციო რეზერვუარში ნახშირისა და ისეთი ამიაკის წყლიანი ხსნარის შერევას, რომელსაც აქვს კონცენტრაციის შერჩეული დიაპაზონი, რომელიც უპირატესად შეადგენს 3%-დან 5%-მდე ამიაკს წყალში. შერევა უზრუნველყოფს ხსნარის დაკონტაქტებას ნახშირის ზედაპირთან და ფორებთან. ხერხი ითვალისწინებს დამუშავების მონიტორინგს იმ მომენტის დასადგენად, როდესაც წყლიანი ამიაკის კონცენტრაცია სარეაქციო რეზერვუარში დაიწევს შერჩეულ დიაპაზონზე დაბლა, და ხსნარის შერჩეული დიაპაზონის ფარგლებში დაბრუნების მიზნით სარეაქციო რეზერვუარში შერჩეულ დიაპაზონში მყოფი ან ამ დიაპაზონზე უფრო მაღალი კონცენტრაციის მქონე წყლიანი ამიაკის მიწოდებას. გაწმენდილი ნახშირი შეიძლება გარეცხილ და გაშრობილ იქნეს ან გაშრობილ იქნეს გარეცხვის გარეშე ნახშირის ზედაპირზე და ფორებში ამიაკის საფარის წარმოქნით. წარმოდგენილია ხერხის განხორციელებისათვის განკუთვნილი დანადგარის შესრულების ვარიანტები.