მოწყობილობა ფეხსაცმლისა და საფეხსაცმელე მასალების საექსპლუატაციო მახასიათებლების გამოსაცდელად / თინათინ მაღლაკელიძე, თამაზ ურიადმყოფელი.

პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

მოწყობილობა შეიცავს კორპუსს 1, გამოსაცდელ ფეხსაცმელში 2 მოსათავსებელ კალაპოტს 3, რომლის ცხვირის ნაწილი გამოყოფილია და სახსრით 4 დაკავშირებულია კონათა ნაწილთან. კალაპოტის ქვემოთ მოთავსებულია საყრდენი, რომელიც ასევე გაყოფილია ორ ნაწილად და შესრულებულია ხორკლიანი ზედაპირების მქონე ფირფიტების 5 და 6 სახით, მათზე ქვემოდან სახსრულად დაკავშირებულია შიგა მხარეს დახრილ მრუდეზედაპირიან უძრავ კოპირებზე 16 დაბჯენილი საბიძგებლები 11, დაკავშირებული საერთო ამძრავით აღჭურვილ მრუდმხარა-ბარბაცა მექანიზმებთან. ფეხსაცმელზე ზემოდან დასამაგრებელი ფიქსატორი 7 და ბოლოზე საბჯენიანი ვერტიკალური ზამბარა 8 ხისტად დაკავშირებულია კორპუსთან. კალაპოტის გვერდების გასწვრივ ჰორიზონტალურად განლაგებულია ბრუნვის საყრდენებში ჩასმული და ცალკე ამძრავით აღჭურვილი მუხლა ლილვები 15, 16 და 17, რომელთა მუხლებზე დასმულია მხრეულები ბოლოებზე კალაპოტის გვერდებზე მისაბჯენი ელემენტებით 18. კალაპოტის ყელი კორპუსთან დაკავშირებულია ჰორიზონტალური ზამბარით 14.