ქარის ძრავის როტორი და ქარის ენერგიის მიმღები მოწყობილობა თამაზ შიოშვილი.

– პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

ქარის ძრავის როტორი შეიცავს S-მაგვარ ლაპოტს, ამასთან, ლაპოტს თითოეული ჩაზნექილი ზედაპირის 1 მხრიდან დამატებული აქვს ჩაზნექილი ზედაპირი 2. აღნიშნული ზედაპირები დაშორებულია ერთმანეთისაგან ცენტრისკენ მზარდი მანძილით და წარმოქმნის ზემოდან და ქვემოდან დახურულ, ერთმანეთისაგან განცალკევებულ ორ სიღრუეს 3, რომლებსაც აქვს ჰაერის ნაკადის გასატარებელი ფანჯრები, განლაგებული ლაპოტის პერიფერიულსა 4 და ცენტრალურ ნაწილებზე 5. ხოლო ქარის ენერგიის მიმღები მოწყობილობა შეიცავს ორ S - მაგვარ ზემოთ აღწერილი კონსტრუქციის როტორს, რომელთა ლაპოტები ერთმანეთისადმი განლაგებულია სარკისებრად და როტორებს აქვს საწინააღმდეგო მიმართულებით ბრუნვის შესაძლებლობა. ამასთან, როტორების წინ დაყენებულია ქარის ნაკადის მანაწილებელი 7, შესრულებული რომბისებრად, რომლის გვერდები 8 ჩაზნექილია, მანაწილებლის წინ და გვერდით, ორივე მხარეს, დაყენებულია ჩაზნექილობის მქონე, სულ მცირე, თითო ვერტიკალური ფირფიტა 9, რომლის ამოზნექილი მხარე მიმართულია მანაწილებლისაკენ.