ჩაის ფოთლის დამჭყლეტ-დამქუცმაცებელი დანადგარი ანტონ დოლიძე, თამაზ წიქარაშვილი, გივი გუგულაშვილი, ვიტალი ღვაჩლიანი, მიხეილ ქისტაური.

პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.

გამოგონება განეკუთვნება ჩაის მრეწველობას და შეიძლება გამოყენებულ იქნეს ჩაის ფოთლის ჭყლეტა-დაქუცმაცებისათვის მისი გადამუშავების სხვადასხვა ეტაპზე, აგრეთვე სხვა მცენარეული წარმოების ნედლეულის დაქუცმაცებისათვის. გამოგონების ტექნიკური შედეგია პროდუქტის ხარისხის გაუმჯობესება დამუშავებული მასის ერთგვაროვნების ამაღლების გზით, ჭყლეტისა და დაქუცმაცების პროცესის ინტენსიურობის ამაღლება ერთდროულად წარმადობის ზრდითა და ენერგოდანახარჯების შემცირებით. მოწყობილობა შეიცავს ჰორიზონტალურად განლაგებულ კორპუსს1, შესრულებულს ერთმანეთთან შეწყვილებული ცილინდრების სახით და აღჭურვილს მიმღები ხვიმირით 2, როტორებს 4 და 5, რომლებიც წარმოადგენენ ორ შესავლიან შნეკებს ფრთოვანებით 8 და 9, დიფუზორს 3, გადმომტვირთ სარკმელს კარებით 16, მოთავსებულს კორპუსის 1 ქვედა ნაწილში დიფუზორის 3 ზონაში და ამძრავს, ამასთან, როტორები 4 და 5 აღჭურვილია მასზე ხისტად დასმული ამძრავი ელემენტებით 14 და 15, რომლებიც წარმოადგენენ მილისებზე მისი მსახველის გასწვრივ მიმაგრებულ მართკუთხა ფორმის ფრთებს, რომელთა სიგრძე ტოლია ფრთოვანის ფრთის სიგრძისა და განლაგებულია დიფუზორის 3 შუა ნაწილში.