ელექტრული ენერგიის უკოლექტორო გენერირების ხერხი
= METHOD FOR BRUSHLESS GENERATION OF ELECTRIC ENERGY : გამოგონების პატენტი = Patent for invention : (11) GE P 2012 5370 B : (51) H 02 K 21/00 (IPC, 2006) /
ოთარ ლაბაძე.
- ქ. მცხეთა : საქპატენტი, პატენტის გამოქვეყ.თარიღი და ბიულეტენის ნომერი (45): 2012 01 10 #1.
- გამოგონებაზე პატენტის სრული ტექსტი - 17 გვ. ; მუხლები: 1 დამოუკიდებელი; 12 დამოკიდებული; ფიგურა: 6.
- პატენტის სრული აღწერილობისა და ტექსტის მოსანახად ქართულ ენაზე დააწკაპეთ მარჯვენა მხარეს ბმულზე „სხვა ძიებები“ და შემდეგ საქპატენტის შესაბამის ბმულზე.
გათვალისწინებულია ელექტროგენერატორის როტორის აქსიალურად დამაგნიტებული და ღრუ ცილინდრის ფორმის მუდმივი მაგნიტებით მაგნიტური ველის შექმნა, რომლითაც როტორის ბრუნვისას იქმნება მბრუნავი მაგნიტური ველი. ახორციელებენ ამ ველის ზემოქმედებით სტატორის ელექტრომაგნიტების გრაგნილებში აღძრული ემძ–ების შეკრებას და ამ გრაგნილების შეერთებას წინასწარ განსაზღვრული სქემის შესაბამისად. როტორის პერიფერიულ ნაწილში არსებულ პოლუსურ ბუნიკებს შორის ერთგვაროვან მაგნიტურ ველს გრძივი მიმართულებით ქმნიან აღნიშნული მუდმივი მაგნიტებით, რომელთაც ათავსებენ პოლუსების მონაცვლეობით დისკოსებრ მაგნიტგამტარებს შორის. ექსპერიმენტულად ადგენენ მაგნიტგამტარების ზედაპირზე მაგნიტური პოტენციალის ნულოვანი დონის მიღების პირობასა და მაგნიტური წინაღობის სიდიდეს მაგნიტგამტარების გეომეტრიული ზომების განსასაზღვრად. ელექტრომაგნიტების თითოეულ ჯგუფს ათავსებენ მეზობლად მდებარე მაგნიტგამტარების ბუნიკებს შორის არსებულ შესაბამის ღრეჩოში ისე, რომ ელექტრომაგნიტების გულარების ღერძები იყოს ლილვის პარალელეური, ხოლო მათი ბუნიკები იყოს მოთავსებული შესაბამისი პოლუსური ბუნიკების პირდაპირ.