ქვეყანა, რომელსაც ვხედავ /
კ. გამსახურდია.
- ლ. კიკნაძე, 1924
- 85 გვ.
ი. გრიშაშვილის ბიბლიოთეკა-მუზეუმის კატალოგი. თავფურცელზე წარწერა: „პოეტს სოსო გრიშაშვილს ძველ მეგობრული გრძნობით. კ. გამსახურდია. 25 VI. 1924“. კანზე სათაურში სიტყვა „რომელსაც“ მოხაზულია და მიწერილი: „რუსულია!“. გვ. 4. ესკიზის „დედავ, მისტიურო ქალო“ მთელი გვერდი მოხაზულია და არშიაზე: „14 მარცვლ. თეთრი ლექსი, ვ. ბარნოვისებური“. გვ. 32. ნოველაში „შეხვედრა მკვდართან“ ხაზგასმულია: „ორი სინათლისაგან დაცლილი თვალი“, არშიაზე: „ორი თვალი“. გვ. 33. მიძღვნაში ხაზგასმულია: „სიკვდილში“ და მიწერილი: „რა კონსტრუქციაა?“ გვ. 34. ნოველის „ზარები გრიგალში“ სათაურთან მიწერილია: „გრიგალის ნაცვლად ტექსტში ქარია, იხ. გვ. 40. იქ ქარია“. იქვე: „პ. იაშვილს ლექსი აქვს: „ზარის ხმა ქარში“. იმავე გვერდზე ხაზგასმულია: „აწვიმდა სამრეკლოს, აწვიმდა...“ და არშიაზე: „? (გ. ტ-ძე)“. იქვე ხაზგასმულია: „მღვდელი გაიპარსა, თემშარაზე სამიკიტნო გახსნა...“, არშიაზე: „არასოდეს მომხდარა მღვ. – მიკიტანი“. გვ. 36. ხაზგასმულია: – არიან ადამიანები“. არშიაზე: „есть люди“. გვ. 37. მოხაზულია სტრიქონები, არშიაზე: „გრ. ორბელიანის სტილით“. გვ. 38. ხაზგასმულია: „გაქონილ ჭიქას“, მიწერილი: „ი. გრ. – აშპაშხანისკენ“. გვ. 41. ხაზგასმულია: „ლუწი და კენტი, კენტი და ლუწი“, არშიაზე: „შალვა ამირეჯიბი“. გვ. 43. მესამე აბზაცში რკალშემოვლებულია „მთვარე“ და არშიაზე: „და ქარი“. გვ. 44. ხაზგასმულია: „ილეკრის“, მიწერილი: „ბერძნ. სიტყვა“. გვ. 45. ხაზგასმულია: „მე მინდა ვიმღერო ექსტაზში დაღუპულზე“, არშიაზე: „(მ. გორკი)“ იმავე ნოველაზე, ნოველის ბოლოს: „ან. ერისთავ-ხოშტარიას მიბაძვა – გვ. 265-დან“. გვ. 47. ხაზგასმულია: „ქვიქვირ ჩამოყრილი ბეღურები“. არშიაზე კითხვის ნიშანი და „ვირსა აქვს ქვიქვირი“. გვ. 52. პირველ სტრიქონში ხაზგასმულია: „ჩამობრძანდით“ და მიწერილი: „არ ეტყოდა!“ გვ. 53. ხაზგასმულია: „ქისაიის“ და მიწერილი: „მარმაში! აკი ზევით იხმარე მარმაში?“ გვ. 82. ხაზგასმულია: „ქვეყანა სურათის გადაღებად არა ღირს“ და მიწერილი: „ქვეყანა ჩალად არა ჰღირს (სკანდარნოვას) მუხამბაზი“.